سندوتــــــــش المفاجأت حصرى من مطبخى

الفكره من اخت ليا ربنا يجزيها خير وحاخد منها صوره توضيحيه باسمها
بس الصوره من عندى انا نبداء على بركه الله

العجينه اولا

كوبيتين دقيق نحط عليهم نص كيس خميره والنص التانى نحطه
فى كوبايه ميه دافيه ونقلبه
ونحط على الدقيق فنجان قهوه سكر معلقه ملح 6ملاعق لبن بوده معلقه
بيكنج بودر
اول ما الخميره تترفع وتتفاعل مع الميه نحطها على الدقيق
ونقلب ونحط كمان كوب ميه
ونقلب بمعلقه حنلاقى العجينه سايله صح سبيها 10 دقايق
وبعدين نحط عليها دقيق لحد ما تمسك ونص كوبايه زيت
ونقلبها ونسبها نص ساعه
وكده العجينه خلصت خلاص

نيجى للحشو محتاجين الاتى

لانشن حلوانى ساده ـ جبنه شيدر ـ طماطم ـ بصل ـ فلفل رومي ـ زيتون ( كله مقطع ترنشات )

الطريقــــــــــــــــــــــه
خدي حته من العجينه و افرديها مستطيل (ممكن تحتاجي دقيق ساعه الفرد)
في النص رصي الحشو بالترتيب ده( جبنه ـ فلفل ـ لانشون حلوانى ـ بصل ـ طماطم ـ زيتون ـ جبنه)

الجزء ده منقول من موضعها

قطعي العجينه في الجوانب بالورب بالشكل ده

حطي عجينه عجينه علي بعض زي الضفيره علشان تقفلي الساندوتش

بعد ما اتقفل

يدهن بالبيض وممكن يضاف للبيض شويه لبن وملح وفلفل اسود
وممكن يترش السندوتش بالسمسم او بحبه البركه

يوضع بالفرن الى تمام النضج
والصوره النهائيه من مطبخى يا جدعااااااااااااااااااااااااان

باااااااااااااااااالف هنا

__________________
_________________