حصرى بالصور بيتزا من مطبخــــــــــــى

البيتزا دى محدش كلها عندى اللى ما طلب طريقتها ومرتضتش اقول السر
ههههههههههههههههه هههههه
المهم العجينه اولا

كوبيتين دقيق نحط عليهم نص كيس خميره والنص التانى نحطه
فى كوبايه ميه دافيه ونقلبه
ونحط على الدقيق فنجان قهوه سكر معلقه ملح 6ملاعق لبن بوده معلقه
بيكنج بودر
اول ما الخميره تترفع وتتفاعل مع الميه نحطها على الدقيق
ونقلب ونحط كمان كوب ميه
ونقلب بمعلقه حنلاقى العجينه سايله صح سبيها 10 دقايق
وبعدين نحط عليها دقيق لحد ما تمسك ونص كوبايه زيت
ونقلبها ونسبها نص ساعه
وكده العجينه خلصت خلاص

بعد النص ساعه نفردها على الصينيه اللى حنعملها
ونتنى الاطراف ممكن نحط سجق على الاطراف محمر
بمعنى نخلى الجينه اكبر من الصينيه ونحط السجق او جبنه
ونتنى عليها الجزء الزائد
ونخرمها بالشوكه ونكون مولعين الفرن ونحطها فى الفرن
حوالى 5الى 10 دقايق على نار هاديه

ونقلب فى السمن 4فصوص ثوم وشويه فلفل اسمر
مجرد يدبلوا نحط عليهم معلتين تلاته صلصه طماطم ونقلب وربع كوب ماء
ونسبهم شويه ونطلع العجينه من الفرن
الصلصه لما تتقل نحطها على العجينه ونفردها كلها
ونحط عليها طماطم مقطعه زتون مخلى مخلل وممكن خيار مخلل
بصل فلفل ملون ........اللى هو بيبقى حلو
لانشون حلوانى او لحمه مفرومه معصجه
او اى اضافات محببه
ونرش على الصلصه قبل الاضافات جبنه رومى

ونحطها فى الفرن وبعدين نسبها لحد ما تستوى من تحت
ونطلعها ونرش عليها جبنه موتزريلا كتير
وندخلها تانى الفرن مجرد الجبنه تسيح
حيتبقى من العجينه ممكن يشكل كفطاير وتوضع فى الفرن او
كرغايف عيش ونحط عليها جبنه ونتنى النص التانى
ااو تتعمل مينى بتزا بس بدل الصلصه يتحط عليها كاتشب
اقولكم حنزل بعدين طرق مختلفه للعجينه دى حلو وحادق

وتبقى بالشكل ده اوعوا نفسكوا تروح خلاص اتكلت كلهـــــــــــــا

__________________
_________________